Դեսպան Տիգրան Մկրտչյանը հանդիպում ունեցավ Սալոնիկի Առևտրի Միջազգային Ցուցահանդեսի տնօրենների խորհրդի նախագահ Տասոս Ձիկասի հետ

11 մարտի, 2022

Մարտի 11-ին Հունաստանում ՀՀ արտակարգ եւ լիազոր դեսպան Տիգրան Մկրտչյանը Սալոնիկ կատարած աշխատանքային այցի շրջանակներում հանդիպում ունեցավ Սալոնիկի Առևտրի Միջազգային Ցուցահանդեսի (TIF - HELEXPO) տնօրենների խորհրդի նախագահ Տասոս Ձիկասի հետ։ Հանդիպմանը ներկա էին նաև կազմակերպության գործադիր տնօրեն Կիրիակոս Պոզրիկիդիսը և Հունահայ առևտրի և արդյունաբերության պալատի նախագահ Ակիս Դագազյանը։

Ցուցահանդեսի ներկայացուցիչները, շեշտելով երկու երկրների միջև առկա երկկողմ հարաբերությունների զարգացման հնարավորությունները, առաջարկեցին Սալոնիկում կայանալիք մի շարք միջազգային ցուցահանդեսներին կազմակերպել Հայաստանի Հանրապետության մասնակցությունը։ Դեսպանն իր հերթին ներկայացրեց տնտեսության և առևտրի բնագավառներում առաջիկա ծրագրերն ու նախաձեռնությունները։ Զրուցակիցները պայմանավորվեցին 2022 թվականի ընթացքում սերտորեն համագործակցել, որպեսզի ապահովվի սննդի, գինեգործության, զբոսաշրջության եւ բարձր տեխնոլոգիաների բնագավառներից հայ գործարարների ներկայությունը այս կարևոր միջոցառումներին՝ Եւրոպայի և բալկանյան տարածաշրջանի շուկաներում զարգացման նոր հնարավորություններ և ներուժ ապահովելու նպատակով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր